تأخر الحمل الثانوي
⁉️ دكتوره.. انا اول ما تزوجت حملت علي طول ،، ولما فكرت في حمل تاني مش بيحصل خالص😢 هو الحمل اتأخر ليه؟
⁉️ ولأن الموضوع ده فعلياً بيشكل قلق وتساؤلات كتير🥺،، ويبقي السوءال الاساسي ❓هو في مشكلة؟”
⚧️ آه .. غالباً لكل مشكله طبيه سبب ،، طيب ايه اهم الاسباب اللي هنقف عليها، وتشكل الاغلبيه العظمي من المشكلات❓
🔶 1. تغيّرات الوزن
👈زيادة الوزن في الاغلب بعد الحمل الأول ،، ولاننا كشرقيين فعلا بنزيد اوي في فترات الحمل والرضاعه، وعدم تقدير حساب السعرات أو اتباع حميه مناسبه بعد الولاده ،، فده ممكن يأثر على التبويض بشكل واضح.
🔷 2. اللخبطة الهرمونية
👈بعد الولادة والرضاعة الطبيعية، ممكن يحصل اضطراب في الهرمونات يسبب تأخير رجوع التبويض الطبيعي. 👍 واهمها اضطرابات مستوي هرمون اللبن وهرمونات الغده الدرقيه.
🔶 3. مشاكل حصلت بعد الولادة الأولى
👈زي التهابات شديدة، أو عمليات متكررة بالبطن والحوض ، كما في تكرار القيصريات ، والزايده والحمل خارج الرحم، واكياس المبيض … الخ .. وكلها قد تسبب التصاقات في الحوض. وده من أشهر أسباب تأخر الحمل التاني.
🔷 4. الإرهاق والتوتر
الحياة بعد الطفل الأول بتبقى أصعب… وممكن الضغط النفسي، وقله النوم، وزياده حجم التوتر والمسوﺅليات، يقلل الخصوبة عند الزوج والزوجة.
🔶 5. مشكلة عند الزوج
👈أحيانًا السبب بيكون في تحليل السائل المنوي 👍، وده لازم يتراجع من جديد، حتى لو كان سليم قبل الحمل الأول.، ودايماً بكرر ، أن الزوج مثله مثل الزوجه في التغيرات الطارءه التي قد تسبب تأخر الحمل، حتي بعد حدوث حمل سابق بسهوله.
🔷 6. أمراض ظهرت بعد الولادة، ولم تعاني منها الزوجه مسبقاً
✔️ بطانه الرحم المهاجره
✔ خلل الغدة الدرقية
✔ تكيس المبايض وضعف التبويض
✔ ارتفاع هرمون الحليب
✔️الاصابه ببعض الامراض المناعيه
✔️ تدخل جراحي اضر المبيضين ومخزون البويضات
✔️ آخذ بعض الادويه التي قد تضر بالخصوبه
✔️تقدم السن للزوجين وفترات التباعد الكبيره بين الحمل
للتواصل مع د. شيرين مصطفى عبر رابط الصفحه
https://www.facebook.com/share/1DHZZEgTF6/
